Naibu Waziri wa Maliasili na Utalii, Mhe. Hamad Hassan Chande, amezindua maadhimisho ya miaka 30 ya Hifadhi za Bahari Mafia pamoja na Tamasha la Mafia Festival, lenye lengo la kuchochea uchumi wa buluu kupitia uhifadhi na matumizi endelevu ya rasilimali za bahari.
Uzinduzi huo umefanyika jana, Septemba 24, 2026, katika eneo la Fukwe ya Utende, Wilaya ya Mafia, Mkoa wa Pwani.
Akizungumza katika hafla hiyo, Mhe. Chande amewataka wawekezaji kutoka ndani na nje ya Tanzania kutumia fursa zilizopo katika rasilimali za bahari kuwekeza na kuchangia kukuza uchumi wa buluu nchini.
Aidha, amewahimiza vijana na wanawake kutumia fursa zinazotokana na utalii wa baharini na shughuli za uhifadhi, huku wakishiriki kikamilifu katika kulinda rasilimali hizo kwa manufaa ya kizazi cha sasa na kijacho.






