Manchester City imewasilisha rasmi rufaa dhidi ya uamuzi wa Tume Huru iliyoiweka klabu hiyo na hatia katika mashtaka 114 kati ya 115 ya ukiukaji wa kanuni za kifedha za Premier League.
Klabu hiyo iliwasilisha rufaa yake saa 1:00 usiku kwa saa za Tanzania, Alhamisi Oktoba 1, 2026, muda mfupi kabla ya kufungwa kwa muda wa mwisho uliowekwa na ligi.
Mashtaka hayo yanahusu kipindi cha misimu tisa, kuanzia 2009/10 hadi 2017/18.
Kwa mujibu wa uamuzi wa Tume hiyo, Manchester City ilitumia mikataba ambayo haikuakisi makubaliano halisi na baadhi ya washirika wake wa kibiashara, katika mazingira ambayo Tume ilisema yalihusisha kuficha chanzo halisi cha fedha na kuongeza mapato ya klabu kwa njia isiyo halisi.
Manchester City sasa imeanza mchakato wa rufaa, ikipinga uamuzi huo na kutafuta mapitio ya hukumu iliyotolewa dhidi yake.






