Wataalamu wa Sekta za Habari, Sanaa na Michezo kutoka Serikali ya Mapinduzi ya Zanzibar (SMZ) wamepongeza maendeleo ya ujenzi wa Uwanja wa Mpira wa Miguu wa Dodoma, wakisema kukamilika kwake kutaimarisha mazingira ya michezo na kuongeza fursa kwa wananchi, hususan vijana.
Wataalamu hao wametoa pongezi hizo Oktoba 2, 2026, walipotembelea eneo la ujenzi wa uwanja huo kwa lengo la kujionea hatua iliyofikiwa na kujifunza namna Serikali ya Jamhuri ya Muungano wa Tanzania inavyowekeza katika miundombinu ya michezo.
Wamesema uwekezaji huo una umuhimu katika kukuza na kuibua vipaji vya vijana, kuongeza fursa za ajira pamoja na shughuli za kiuchumi zinazohusiana na michezo.
Aidha, wamesema uwanja huo utaiwezesha Tanzania kuwa na miundombinu yenye uwezo wa kuandaa na kuendesha mashindano makubwa ya kitaifa na kimataifa.
.






