Waziri wa Maji, Mhe. Jumaa H. Aweso, tarehe 30 Septemba 2026 ametembelea na kukagua ujenzi na uimarishaji wa Bwawa la Nanja lililopo Kata ya Lepurko, wilayani Monduli, ambapo amesema kazi hiyo inatarajiwa kukamilika ndani ya miezi mitatu, huku mwezi mmoja tayari ukiwa umekamilika.
Waziri Aweso amesema baada ya kukamilika, uwezo wa bwawa hilo utaongezeka kutoka lita milioni 28 hadi lita milioni 46, huku tuta likiwa na urefu wa mita 640 na upana wa mita 8. Bwawa hilo linatarajiwa kunufaisha zaidi ya mifugo 88,000 pamoja na wananchi wanaozunguka eneo hilo.
Aidha, mradi huo utahusisha ujenzi wa mabirika 10, maeneo 10 ya kuchotea maji pamoja na bomba lenye kipenyo cha nchi 10 kwa ajili ya matumizi na upanuzi wa huduma ya maji hapo baadaye.
Mkuu wa Wilaya ya Monduli amempongeza Waziri Aweso kwa juhudi za kutatua changamoto za maji na kueleza kuwa yuko tayari kutekeleza maelekezo yote yatakayosaidia wananchi na mifugo kupata maji kwa uhakika.
Kwa upande wake, Mwenyekiti wa Halmashauri, Kisioki, ameshukuru Serikali kwa uimarishaji wa bwawa hilo, akieleza kuwa hatua hiyo itasaidia kuongeza uwezo wa kuhifadhi maji na kulinda bwawa dhidi ya athari za mvua kubwa, ikiwemo El Niño.
Akizungumza kwa niaba ya wananchi, Diwani wa Sepeko, Kimaai, amemshukuru Waziri Aweso na kumuomba kurejea Monduli kuzindua bwawa hilo mara litakapokamilika.
WAZIRI AWESO: BWAWA LA NANJA KUKAMILIKA NDANI YA MIEZI MITATU

Waziri wa Maji, Mhe. Jumaa H. Aweso, tarehe 30 Septemba 2026 ametembelea na kukagua ujenzi na uimarishaji wa Bwawa la Nanja lililopo Kata ya Lepurko, wilayani Monduli, ambapo amesema kazi hiyo inatarajiwa kukamilika ndani ya miezi mitatu, huku mwezi mmoja tayari ukiwa umekamilika.





